Ai! laurië lantar lassi súrinen!
Yéni únótime ve rámar aldaron,
Yéni ve linte yuldar vánier
mi oromardi lisse-miruvóreva
Andúne pella Vardo tellumar
nu luini yassen tintilar i eleni
ómayo airetári-lírinen.
Sí man i yulma nin enquantuva?
An sí Tintalle Varda Oiolossëo
ve fanyar máryat Elentári ortane
ar ilye tier unduláve lumbule,
ar sindanóriello caita mornië
i falmalinnar imbe met, ar hísië
untúpa Calaciryo míri oiale.
Sí vanwa na, Rómello vanwa, Valimar!
Namárië! Nai hiruvalye Valimar.
Nai elye hiruwa. Namárië!
No hay comentarios:
Publicar un comentario